-1-
خدتي بالك م اللي قلت لك عليه
إن ف.بعادك قلبي كان هاين عليه
يكتب ع صدري يرقد هنا شهيد غرام
و دي جثته ، و محبته قضت عليه
-2-
و يفيد بإيه ، إن كنتي نفسك مش حاسه بيه
و بوحدته في غربته و سهره الليل اللي ياما إتمني فيه
إن تزوريه لو مرة صدفة ف منام
يتملي طيفك اللي ياما نفسه فيه
-3-
قصد الكلام ، أنا مش بأنام
و إن جيتي صدفة ف منام
بيزيد لهيب الشوق
يطفي نارها الأحلام
-4-
و دا مش كلام ، إن اللي بينا يكون خصام
ولا عمره كان ،دا إحنا اللي بينا غرام
من غير ما أقول قلبك يدلك يا قمر
و إسألي الأيام ، و قمر الليالي و الكلام
-5-
أنا مش بأخون ، ولا قلبي عمره كان خوان
تفيد بإيه الظنون ، ماتكونش نار بغير دخان
يشهد سهر الليالي و الأشواق و الأنين
ماتزيدش ناري حطب ، ودك ولا مرة هان
